Наумоски доби признание од СКМ

Стопанската комора на Македонија традиционално како и секоја година и оваа додели награди и други признанија на компании членки кои во изминатата 2017 година оствариле позитивни резултати во работењето врз основа на однапред утврдени критериуми.
Специјално признание за долгогодишната коморска активност доби Симон Наумоски, истакнат и докажан бизнисмен, претседател на Одборот на директори на „Витаминка“ АД Прилеп, активен стопанственик и учесник во работата на Стопанската комора на Македонија на сите нивоа повеќе од 30 години. Тој се уште активно учествува во унапредувањето на кондиторската дејност преку Групацијата за кондиторски производи во рамките на Здружението за земјоделство и прехранбена индустрија.
П.И. „Витаминка“ АД Прилеп е на 39-то место на листата на најголеми работодавци, на 74-то место на листата најголеми компании во Република Македонија за 2016 година, согласно податоците од Централниот регистар на РМ и меѓу трите водечки компании од кондиторската дејност во земјата.
Претседателот на Стопанската комора на Македонија Бранко Азески на доделувањето на наградите и признанијата потенцираше дека станува збор за фирми и личности кои имаат свој удел во домашната економија, посакувајќи секоја следна година да имаме што поуспешни и перспективни компании.
Награди и признанија во 11 категории добија 15 компании членки на Стопанската комора на Македонија.

 

Витаминка на саем во Москва

Витаминка го изложува целокупниот свој производствен асортиман на најголемата специјализирана саемска манифестација за прехранбена индустрија Worldfood Москва 2018.

Наумоски почесен претседател

Претседателот на Одборот на директори на Витаминка Симон Наумоски е назначен за почесен претседател на УО на регионална канцеларија на Стопанската комора во Прилеп.

Финансиска помош за херојот Марко

Витаминка АД Прилеп издвои финансиска помош за подобри резултати на 12 годишниот Марко Пејчиновски кој го преплива Охридско езеро.